“Би түүнийг заавал ялна” – Жош Рок ба Люк Литтлерийн Белфаст дахь тулаан

Премьер лигийн шинэ оролцогч Жош Рок 2-р сарын 26-нд Белфаст хотод Люк Литтлертэй тоглоно

Хойд Ирландын тамирчин Жош Рок ирэх хоёрдугаар сард Белфаст хотын SSE Arena-д болох Премьер лигийн тоглолтоор дэлхийн хошой аварга Люк Литтлертэй учрахдаа маш их шуугиантай уур амьсгал бүрдэнэ гэж найдаж байгаагаа илэрхийллээ.

Рок өнгөрсөн долоо хоногт анх удаа Премьер лигт өрсөлдөх найман шилдэг тоглогчийн нэгээр нэрлэгдсэн бөгөөд 17 долоо хоног үргэлжлэх тус тэмцээн 2-р сарын 5-нд Ньюкасл хотод эхэлнэ.

Белфаст хот дөрөв дэх тоглолтын оройг 2-р сарын 26-нд хүлээн авах бөгөөд Антримын хошууны уугуул Рок дэлхийн чансааны номер нэг Люк Литтлертэй тоглохдоо нутгийн хөгжөөн дэмжигчдийнхээ халуун дэмжлэгийг мэдрэх нь гарцаагүй.

“Энэ тоглолт үнэхээр солиотой уур амьсгалтай болно гэж бодож байна,” хэмээн 24 настай Рок BBC Sport NI-д ярьжээ.

Хойд Ирландаас Премьер лигт тоглосон хамгийн сүүлчийн хүн бол Дэрил Гёрни байсан. Гэхдээ тэр 2020 он, Ковидоос өмнөх үе, тэр үед дартс ийм том байгаагүй. Харин одоо дартс урьд өмнө хэзээ ч байгаагүй хэмжээнд хүрээд байна.

“Хэрвээ би Белфастад Люктэй тогловол юу болохыг харцгаая. Би түүнтэй тоглох бүртээ 100-аас дээш дундаж үзүүлэлт гаргаж байсан. Бүх тоглолтод би тэргүүлж байсан ч ялалтыг дуусгаж чадалгүй алдсан. Гэхдээ нэг өдөр би заавал түүнийг ялна.”

Рок өөрийгөө Литтлертэй “бараг өдөр бүр” чаталдаг гэж хэлээд, спортын өнөөгийн өсөлт хөгжилд англи өсвөр насны од асар их нөлөө үзүүлснийг онцолсон юм.

“Бүх зүйл Люк Литтлерээс эхтэй. Хэрвээ тэр 16 настайдаа хэн ч таамаглаагүй байхад ДАШТ-ий шигшээд шалгарч, дараагийн хоёр жил дараалан дэлхийн аварга болоогүйсэн бол дартс өнөөдрийн энэ түвшинд хүрэхгүй байх байсан.

“Хүн бүр түүнд талархах ёстой.

“Одоо дартс үнэхээр тэсрэлт хийлээ. Энэ спорт 10 жилийн өмнө, намайг залуучуудын тамирчин байхад байснаасаа тэс өөр шатанд гарсан. Боломжууд асар их болсон.